Fahrenheit Celsius
Exactas as medidas
O redondeo. …
O sexto decimal
O ceo limpo
No claro mediodía
O sol reluce
Precisa exactitude
Néboa mesta
No mar dos meus sentidos
Perdido o Norde
Sen compás,sen sextante
A luz do faro
Latexo intermitente
Varrendo as sombras
Na noite sem estrelas
E no silencio
Das sireas dos barcos,
Cegos, sem rumbo ,
O lonxano ecoar
Na inqueda busca
Na procura dun porto
Dunha certeza
Dun abeiro seguro
Tépedo,morno,
Ardente..quente..queima.
Forte arrecendo
Do café recén feito.
Na longa mesa
Tostas de pan de Cea
D’ouro manteiga
Marmelada de arandos.
Fumea a cunca
A grande maioría,
Dubidaría
Denantes de beber
Máis tí segura
Dura firme atrevida
Resolta , forte..
Acercas os teus beizos
E sen temor
Bebes coma se fora
De puro asbesto
A túa fina gorxa.
Marabillado…
As dúbidas me asaltan
Bebo ousado.. e queimome
No hay comentarios:
Publicar un comentario