Perdida, calada
Na sombra esquecida
Boneca mancada
Boneca ferida
Dos loiros cabelos
Dos ollos tristeiros
No escuro recanto
Do vello faiado
Que foi da meniña
Que leda cantaba
Que foi da cativa
Que tanto xogaba
Que foi da tenrura
Que foi da dozura
Que foi dos garimos
Que foi dos seus bicos
Que foi da meniña
Que fíxose moza
Que foi da cativa
Muller xa casada
Que foi dos seus risos
Seus risos dourados
Que foi dos seus soños
Seus soños lonxanos
Boneca ferida
Boneca mancada
Na sombra esquecida
Perdida, calada.
No hay comentarios:
Publicar un comentario