PAISAXES E CANTARELAS. XV.- A FRAGA

 

Pra mortos e vivos

       Pra vellos e nenos 

              Antergas cantigas

                     A fraga marmuria

Tremores de pasos

       Tremores do medo

              Silencios da presa

                   Silencios da fraga

N'outeiro dos frades

      Nas sombras da noite

              Conxuros argallan

                     Os trasnos da fraga

Lixeiros, lixeiros

      Camiñan os mozos

              Lixeiras, lixeiras 

                    Camiñan as mozas

Camiño da casa

      De volta da festa

             Co susto no corpo 

                    Co riso nos beizos

Nos vellos carballos

        Da fraga os feitizos

               Da fraga os segredos

                      Da fraga os misterios.