Dame un bico, dame un bico
Dame un bico miña nai
Que teño medo do vento
Do rexo ronco zoar
Que teño da noite medo
Do negro mouro cantar
Dame un bico, dame un bico
Dame un bico miña nai
Por si ven o trasno vello
Para meus soños roubar
Por si ven o trasno meigo
Para meus anxos levar
Dame un bico, dame un bico
Dame un bico miña nai
Que quero outra vez sentir
O riso do teu mirar
Nos teus ollos rebuldir
Nos meus ollos cariñar
Dame un bico,dame un bico
Dame un bico miña nai
Debaixo miña almofada
Coma tesouro do mar
Coma galano de fada
Eilo, miña nai, gardar
Dame un bico, dame un bico
Dame un bico miña nai
Dame un bico milagreiro
Que me faga non medrar
Que me faga sempre neno
Que non quero despertar
Dame un bicos, dame un bico
Dame un bico miña nai.
No hay comentarios:
Publicar un comentario