Na muiñada do setembro
Mirachesme cun sorriso
Para sempre quedei preso
Dos teus ollos dos teus risos
Na sombría do abeledo
A carón do vello muiño
Na frescura dos teus beizos
quentouse meu corpo frío
Auga clara.Mel de breixo
Sonche teus ollos velaiños
Solermiños rebuldeiros
Dos meus soños agarimo
Na fondura do arboredo
Dos páxaros rechouchíos
Nos teus ollos algareiros
O cantar do ledo río
No hay comentarios:
Publicar un comentario