Deses teus tébedos soñados bicos
Deses teus ollos no mirar dozura
Bálsamos lenes no cantar tenrura
Deses teus risos malferido fico
Nas mainas augas do teu mar dondura
Azul serea do fulgor atlántico
Do feiticeiro, do enmeigado cántico
Náufrago sere, que o teu amor procura
Na beiramar deses teus ollos lúas
Foulas,arrolas,tremelucen quedas
Faros luceiros do meu rumbo guía
No devalar calmo das ondas núas
Albas escumas acompañan ledas
Neses teus ollos o nacer do día
No hay comentarios:
Publicar un comentario