Naquela túa fiestra na que outrora cantaban
Onde outrora lucían teus ollos reiseñores
Dos belidos cantares teus risos trovadores
Onde meus soños rebuldeiros nenos xogaban.
Naquela túa fiestra,fiestra dos meus amores
Onde miñas arelas alegres aniñaban
Onde tremelucentes namoradas brilaban
Dos teus bicos tenruras na maxia dos solpores.
Fiestra dos tempos mozos,leda fiestra riseira
Mencer estrelecido das miñas esperanzas
Onde tantas vegadas os meus versos soñaron
Naquela donda fiestra,hoxe sen tí baleira
Para sempre tristuras,para sempre lembranzas
Para sempre morriña ,meus amores ficaron.
No hay comentarios:
Publicar un comentario